Kya Bolna zaroori hai?

Kya Bolna zaroori hai?

mere dimag me ye sawal kyun aaya mujhe nahi pata par shayad mujhe iska pata hona zaroori tha...
so koi kyun bolta hai?
isliye ki wo apani abhivaykti ko zahir kar raha hai..ya isliye ki use apni baat auro ke bich rakhna hai ya isliye ki use bolna aata hai i mean wo gunga nahi hai ya aisa bhi ho sakta hai ki ki wo auro se alag hai aur ise shabdo ka roop dena chahta hai.. ye bhi ho sakta hai ki koi isliye bolta hai kyunki use samjh nahi hai par kyunki kuchh na kuchh bolna hai isliye bolta hai, ya fir isliye ki dil me chhupe dard ko bahar nikalata hai...kuchh log isliye bhi bolte hain kyunki use bolane ke liye paise milate hain...kuchh isliye bole pade hain kyunki unke andar himmat hai.... koi isliye kyunki unhe lagta hai unhone duniya dekhi hai aur wo galat ho hi nahi sakate...koi is baat se pareshan hokar bolta hai ki use kabhi bolane nahi diya gaya aaj agar mauka mila toh kyun nahi bhunaya jaay...koi is baat par chalu hai ki usane na jaane kitani kitaben chat daali hai...itani, shayad jitani kumbhkarn ne khana nahi khya hoga... ya fir isliye ki bolna unaki mazboori hai jaise ki students ke saath hota hai...wo manate hain ki unhe presentation me bolna na pade....
koi isliye bolta hai ki wo bolne se fayda nikal sake...
par main aapko ek raaz ki baat batata hoon...jo is bolane ki daur me haar jaate hain wo aksar ilzaam lagate hain tum zayada bolate ho ho sakta hai aap unme se ek ho...socho aap kaun ho.... par sochane se pehale ye jaan lo... ki arabo ki abadi ke is desh me 99.99% log bol nahi paate...wo baat jo unhe bolni chahiye...jo unka haq hai.... par uanhe bolna nahi aata unhe ek khali pili bahash me chillane me mazaa ata hai fir unko badnam karane me mazaa aata hai...
ho sakta hai main baised hoon kyunki main bahot bolta hoon... lekin main khush hoon...
par aap apne dil se poochho aap wo bol paate ho jo bolna chahate ho....itani himmat hai aapme ki dil ki har feeling ko shabdo ke chadar se dhakane ka...socho akhiri baar kab sach bola tha... akhiri baar kiski baat pe bharosha kiya tha... kab aisa laga ki tumhe apni soch ko aawaaz deni hai....
Bolna shayad zaroori nahi hai par mujhe zaroor batana Kya aap khush ho..? Chup rahkar...
Prem kumar Sagar